رواية ورطة مع زوجي بقلم اسماء الكاشف

كنت فى قاعة كبيرة والفرح شغال لمحت مصطفي عملت نفسى مش واخذه بالى منه كفايه وجع قلب وفجاءه شوفته قدامى

انتى جايه تبع مين قالها بشماته وهو شايفني لوحدى وبصيت على الطفل إلى شايله  شكله 

اتجوز ومعاه ابنه وانا ذى ماانا 

العروسه بتكون بنت خالى قولتها بكسوف وحسره  

عقبالك شكلك لسه مارتبطيش

قالها وهو بيبص بشماته غظنى وماحستش غير وانا بشد اول شخص من ذراعه ومن غير تفكير قولت

اعرفك بمحمد جوزى معلش ابننا فى  البيت مع جدته

كلنا بصينا بصد@مة هو مصدوم واتحرج لما شاف  الشخص إلى مكلبشة فى ايده كان طويل وعينه زرقه بس ما ركزتش فى شكله قد ما ركزت فى

دعواتى انه ما يحرجنيش ويقول ان ما يعرفنيش اصلا لكن الغريب لقيته بيلف ايده حول وسطى وقال بهدوء وببحة رجوليه..  

مش تعرفينا يا حبيبتى 

بلعت ريقى وقولتله 

*ده استاذ مصطفى قريبى من بعيد

مد ايده لمصطفى وقال.

اتشرفنا يااستاذ مصطفى 

مد مصطفى ايده بغيظ. 

_الشرف ليه انا

شويه ومشى مصطفى وشايط من الغيظ وانا حسيت براحه انى ما تفضحتش قدامه ببعد نفسى عن ايده وقولتله باحراج..

انا اسفه على إلى حصل بس انا انا 

ارتبكت اووى لما لقيت عينه زرقه وبيبصلى بتوهان وابتسامة غريبه على وشه وقال..

بتغظيه بيه واضحه اووى يا 

رديت بسرعة

مسك اسمى مسك 

ابتسملى وظهرت غمازه جميلة اووى على خده توهت فيها

اسمك حلو ذيك

ارتبكت وحركت عينى بعيد عنه لو فضل باصص ليه كده كثير هطلبه للجواز انا مجنونه واعملها

شكرا قلتها بتوتر باين اوى فر صوتي 

ابتسم بهدوء وقالي 

دى حقيقة فعلا انتى جميلة 

ضحكت ببلاهه وبغباء قولت..

ده انت إلى قمر يا قمر يا

فتحت عينى بصد@مة ايه إلى قولته ده هيفكر في ازاى دلوقتى انا لازم اهرب بسرعه

عن اذنك ماما بتنادينى قولتها وانا بتحرك بس وقفنى ايده إلى مسكتنى بقوه وقال بخبث..

هتروحي فين يا مراتي وغمزلى بوقاحه 

بصيت فى عينه وانا بفكر في  الورطة الجديده

هتروحي فين يا مراتى الحلوه وغمزلى بوقاحه

*انت اتجننت ياواد انت صدقت الكذبة ولا ايه قولتها بتوتر وبحاول أسحب ايدى منه ولكنه فضل مكلبش فيه وباابتسامة اه من ابتسامته

بقى فى واحده تقول على جوزها واد تؤ تؤ ما تعرفيش اي حاجه فى الاتيكيت يا حبيبتى 

اوف اوف مالك ياجدع انت شكلك عايز تأخذ على دماغك قولتها وبايدى الثانية إلى ماسكة الشنطة على

راسه ولكن فى أخر لحظه وقفت ايدى بغباء وحركتها بتوتر ورسمت ابتسامة بلهاء وانا شايفه مصطفى بيبص علينا بشك

بهش الدبانة إلى كانت فوق نافوخك ياروحى قولتها بصوت عالى وبضغط على اسنانى 

ياحبيبتى طول عمرك حنينة قالها بسخرية

يله على بيتنا يامزه ونسيب الواد عند جدته انهارده

قالها وسحبنى وراه وانا من صدمتى مشيت معاه بالعافيه وبشتم فيه 

اه مالك قالها بصراخ بعد ما نزلت شنطتى على راسه ساب أيدي وبصلى بغيظ وانا بعصبية 

تستاهل يا قليل الادب انت صدقت الكذبة ولا ايه.. لاء ده انا افرمك لو قربت منى قال بيتنا قال

قولتها بعصبية وحاسه بغضب من تصرفاته ومن نفسى إلى  ورطتنى دايما ضربته بايدى بغيظ علي صدره وقولت 

انا بحذرك يابن الحلال تقرب منى ثاني غبي و

بلعت باقى الكلام لما بص ليه بصه مرعبه

جريت بسرعة احسن يضربني ده شكله مجنون وعلى رأي المثل الجرى نصف الجدعنه ده لو مكانش

الجدعنة كلها اومال استناه يضربني ولا يكسرني بعضلاته دى وهو معصب وعينه كلها شرار 

محمد واقف مكانه بصدم#مه من تصرفها وهروبها منه ابتسم بهدوء وعينه كلها اصرار

رجعت القاعه بسرعة وبدور على صاحبتى حور لمحتها واقفه مع مجموعة بنات أصحابنا سحبتها من ايدها بسرعة وقولتلها  

يله نروح بسرعة ياحور قولت بتوتر وبدور عليه بعنيه لمحته واقف بعيد وبيبص عليه بعينه الزرقه دى اووف بفكر انا فى ايه دلوقتى

بصتلى حور ببلاهه وقالت وهى بتحاول تجارى خطواتى السريعه بعد مااعتذرت من البنات 

فى ايه يا بنتى كده احرجتينى مع البنات ومالك سحبانى كده وراكي ذي الجاموسة

من غير ما ابص عليها وبتلفت حواليه 

معلش هحكيلك بعدين بس نخرج من هنا 

ضيقت  حور حاجبها من تصرفاتي المجنونة وهو انا دايما مجنونة بس المره دى الليفل ذاد شويه بس ابتسمت بلؤوم لما شافت محمد واقف بيراقبنا بهدوء وشافت عينى عليه 

- ايه ده الموضوع فيها شاب حليوه بعيون زارقه   ولا ايه ياخاينه مخبيه على صاحبتك

خرجنا من القاعة وقولتلها 

بلا خيبة ولا نيلة هحكيلك بعدين بس نبعد شويه

بعد ربع ساعه كنت حكيت لحور القصه كلها وما سلمتش من تهزيقها ونصحتنى انسى كل حاجه وكأن اليوم ما حصلش ولاوكانى شوفت مصطفى او محمد وأمحيه من ذاكرتى بس ازاى هعمل كده وعنيه الزارقه شيفاها فى احلامى  

صحيت الصبح بدرى ولسه بفتح الباب لقيته فى وشى عينيه الساحرة بتبص بخبث اتسعت عينى بصد@مة وهو بيقول 

مراتى حبيبتى وحشتينى اووى 

يا صلاه النبى أحسن هو بيطلع امتى ده قولتها برعب مضحك وابتسامه بلهاء رسمت طريقها على وشى

الفصل الثالث٣

_مراتي حبيبتى وحشتيني اووى