رواية " نبوية المغسلة " قصة مستوحاة من أحداث حقيقة كاملة

ياست نبويه الي يقول كدا إلى بيحقق في القضيه مش احنا 
احنا بنعمل الي علينا وانا كتبت تقريري خلاص والتحقيق اثبت ان مفيش شبه جنائيه.. 
قولتله حرام عليكم حرام عليكم حق البنت هيروح وانا مش هسكت..

خرجت من مكتب دكتور سامح وانا متعصبه مفيش قدامي غير د. عبدالله مدير المستشفى
دخلت مكتبه من غير مستاذن متعصبه اتفاجىء بدخولي بطريقه دي وقال ايه مالك فيه ايه ''يانبويه'' 
قولتله  مينفعش الي بيحصل ده يادكتور البنت مات0ت غرقانه بفعل فاعل مش بصدفه

رد عليا برد بارد انتي شكلك تعبانه ومحتاجه اجازه تريحي نفسيتك

انا مش تعبانه انا بقولك الي شوفته
دكتور '' عبدالله" تحبي اكلم الظابط يحقق معاكي؟؟ 
سكت وخرجت من المكتب  وانا مكسوره وخايفه

اسكت عن حق البنت ولا اتكلم وقولهم حلمت بموتها وقتها محدش هيصدقني وهيقولو مجنونه..
قررت اسيب شغل  المستشفى وامشي مليش اكل عيش فيها

وانا خارجه جات ''صفيه'' ايه يانبويه مش هتيجي تكملي تغسيل البنت
رديت وقلتلها انا تعبانه مش هقدر اكمل انا اسفه روحي انتي على شغلك وخدي بالك من نفسك
خرجت من المستشفى وكان العمده واهالي البلد مستني جثه البنت عشان يدف0نوها..

لمحت الشباب الي بيحاول يغتصب "سعديه* الي شوفته في حلم وقفت اتأمل شكله..
قطع تركيزي صوت ''صفيه'' وهيا بتصررررخ 
صرخه هزت المستشفى والناس كلها بتجري مش عارفه ايه الي بيحصل ومين بيصرخ
وانا جريت على اوضه التغسيل لقيت الباب مفتوح لقيت....

وانا جريت على اوضه التغسيل لقيت الباب مفتوح
''وصفيه'' بتتشنج على تربيزه التغسيل بدل الجث0ه والج0ثه ملهاش اثر  
جريت على صفيه انا والممرضين ودكتور سامح وروحنا على الطواريء حاله''صفيه'' كانت صعبه..

مدير المستشفى جمعنا  في المكتب وطلب من الأمن يخرج الأهالي من المستشفى 
د. عبدالله بقا يزعق ويقول في ايه مالكم وايه الي بيحصل مين اخد ج0ثت البنت 
حلفت اني مشوفتش جث0تها ودكتور سامح قال انا سلمتها لمشرفه الممرضين بعد ماكتبت تقريري 
مشرفه الممرضين قالت اتسلمت للتغسيل..