حمل غير معروف
سمر بتعمل ايه كل ده فوق تعالي نطلع ونفطر فوق بالمره وبعدين ننزل..
ميار
خلاص انت روح افطر وانا هبقي اكل اي حاجه...
يحيي
لا لا يمكن افطر ولا اكل لو انتي ما جيتيش اكلني معايا قصدي يعني معايا انا وسمر..
ميار
طيب ثواني هجيب الموبيل عشان لو ممدوح كلمني... وجيبت الموبيل بتاعي وطلعنا فطرنا وبعدين نزلت تحت وحسيت اني تعبانه..
بقول ليكي ايه يا ميار انا هطلع مع صحابي شويه هنودي عيالنا الملاهي..
. ميار
ماشي يا سمر وانا هخلص واقفل الورشه وادي المفاتيح ليحيي وارجع البيت..
سمر
انتي مالك طيب تعبانه ليه كده خلاص انا ممكن اقعد وتتاجل الطلوعه..
ميار
لا لا ازاي بس تتأجل ورقيه لما هتيجي مش هتقدري تخرجي معاهم..
سمر
انتي جدعه اووي يا نيار ياريته اخويا كان اتجوزك انتي بدل ام اربعه واربعين اللي جابها لينا بس تتعوض..
يحيي
يا ميار قومي يا بنتي انتي ايه اللي نيمك كده..
قومت بسرعه من علي الارض وقولت
ايه ده انا ازاي نمت هنا بس انا بجد. مش عارفه مالي ولا ايه اللي بيحصل معايا ده..
يحيي
انتي شملك بقيتي بتيجي علي نفسك بزياده وده حرام عليكي والله هتتعبي وصحتك هتبقي بالنازل..
اعمل ايه بس يعني يا يحيي نصيبي كده علي العموم انا هخلص الشغل ده وبعدين امشي وهبقي اطلع المفتاح لسمر..
يحيي
والله العظيم ما يحصل يا ميار ممكن تروحي البيت دلوقتي ترتاحي والشغل ده انا سهران وهخلصه..
ميار
والله انا بجد مش عارفه اقول ليك ايه علي اللي انت بتعمله معايا ده يا يحيي انا فعلا تغبانه ومحتاجه ارتاح...
عيب تقولي كده يا بنتي احنا اخوات برضو روحي انتي بس روحي... وبعدين انا مشيت وخو قال لنفسه..
يحيي
قال اخوات قال معلش بقي يا ميار انتي اللي حلوه بزياده واللي انا عايزه منك مش هينفع اخده من غيرك..
_واول ما رجعت البيت لقيت حماتي وبنتها اسماء قاعدين بياكلو لب والارض كلها بايظه....
ميار
والله العظيم حرام عليكم اللي انتو عاملينه ده رانا بيبقي طلعان عيني في ابشغل واجي هنا
اسماء
الله الله يا ست ميار والله وطلع ليكي صوت وبتتكلمي مش كفايه طابخين ليكي وعاملين اكل..
ميار
يا سلام بقس اجيب الفراخ واللحمه والاكل وانتو تطبخو لنفسكم وفي الاخر تخلو ليا البواقي..
الحما
اذا كان عاجبك ولو مش عاجبك سبيها وامشي هو انتي اصلا بتجيبي حاجه من بيت ابوكي ده كله من فلوس وشقي وتعب ابني..
ابنك ده يبقي جوزي وانا ليا الحق زيكم واكتر في فلوسه وما حدش يقدر يتكلم معايا..
الحما
حقك يا عينيا واخدااه تالت ومتلت ولا انتي فاكره ان قعدتك هنا ببلاش وكمان الفلوس اللي بتبقي في ايدك مش قليله..
اسماء
لو مش عاجبها تطلق وكل واحد فيهم يروح لحاله واهو نجوز اخويا جوازه عليها القيمه..
الام
قومي با بت يا اسماء ندخل ننام ومش وقته الكلام ده دلوقتي خالص لما يجي اخوكي وانا مش هنسي..
اسماء
ادينا داخلين نتام والشقه عندك اهي عايزه تروقيها براحتك مش عايزه خليها زي ما هي..ودخلو نامو..
_وانا فضلت اعيط وبعدين رتبت الشقه كلها ودخلت نمت وتاني يوم روحت الشغل ولقيت سمر قاعده وبتقولي..
سمر
ابشري حتت خبر تحفه رقيه لسه هتقعد هناك اسبوع او اسبوعين كمان..
ميار
يا خبر ابيص ليه مل ده لا تكون في مشكله هناك ولا حاجه..
سمر
ياريت يا اختي تكون في مشكله ونخلص منها علي العموم تعالي بقي نتمرقع في الشغل ده براحتنا..
ضحكت وقولت ليها
انا مش عارفه بجد اقول ليكي ليه بس يلا
بينا
________________________________________
الاول نجيب فطار ونفطر انا مش بفطر في البيت..
سمر
لا انا مجهزالك الفطار بنفسي فوق تعالي بقي نفطر وننزل نكمل شغل..
ميار
لا لا هو انا كل يوم افطر عندكم انا هجيب فطار من بره عشان خاطري..
سمر
انا مش هغصب عليكي اللي يريحك يا ميار.. وطلعت سمر فوق وانا جيبت الفطار وفضلت اشتغل لحد ما كلمني ممدوح..
ميار
ايوه يا ممدوح في ايه..
ممدوح
هو ابه اللي في ايه متصب اطمن عليكي يا ميار هو لازم يعني تكون في حاحه عشان اكلم مراتي ولا ايه..
ميار
هو في ايه يا ممدوح انا في الشغل عشان كده بس بسالك وبعدبن انت مالك بتزعق ليه
