كنت في احد الايام جالسة مع زوجي في مطعم نتاول طعام الغذاء
انا.. وحشتيني جدا والله
سماح.. ما هو باين ماتتصليش بيا من شهرين
انا.. والله كنت في دوامه وغضبت وقاعده عند بابا
سماح.. ليه كده بس
انا.. الغيره والشيطان
سماح… بت اوعي تكوني بتتصلي عشان ارفع لك قضية طلاق
انا… هههه هو انا اول ما ابقي حامل اطلق
سماح… بجد لوليي لولييييي تذغرد في التليفون وتفرح جدا جدا
انا.. والله انتي اول واحده تعرف بعد ماما
سماح.. لا تتمالك نفسها تبكي وهي تتكلم الحمد لله الحمد لله والله انا فرحت لك جدا واسمع صوت بكائها
انا… ابكي واضحك واشعر بسعاده رهيبه انها فرحانه بي كل هذه الفرحه
انا… بت يا سماح اهدي بقي عشان عايزاكي في شغل
سماح.. تحاول ان تكتم بكائها شغل ايه… اوعي تكوني قتلتي ابوكي
انا… لا مش دلوقتي هههههه
سماح.. ايه بجد
انا… عايزه اشوفك ضروري عشان فيه حاجات لازم تشوفيها ماتنفعش في التليفون
سماح… تعالي نعقد في كافية
انا… لا ماينفعش عشان فيه فيديوهات لازم تشوفيها وصعب تكون فيه مكان عام
سماح… احييييييه هتفرجيني علي افلام سكس علي اخر الزمن
انا… ههههههههه يا سفله يا ام لسان طويل
سماح… خلاص تعالي عندي المكتب انهارده انا فاضيه ومافيش حد
انا… اوكي ماشي الساعة 8 بالظبط هكون عندك
سماح.. في انتظارك يا ام سماح
انا… ام سماح!!!!!
سماح… ما هو حياة امك لو جبتي بنت لازم تسميها سماح اشمعني انا جبت بنت وسمتها نغم
انا.. لا انا هجيب ولد
سماح.. سميه سماح برضه 😂
ضحكنا وانهينا المكالمه
سمعت صوت المفتاح في باب الشقة
كنت اريد ان اكون اول حد يقول لبابا على خبر حملي
دخل بابا.
انا.. اذيك يا حاج
