رواية من الحقيقة ( التائهة )
ياترا ياسالي انتي وراكي ايه ولا عقلي الباطل هو الي هيألي انك ممكن تأذيني كده بدافع انك ممرضه وممكن تشتغلي في تجارة الاعضاء ربنا يستر...
فضلت قافله علي نفسي يومين...
بتطلع تعد معايا شويه وتنزل تاني وتجيبلي اكل وتقولي لو مصدعه قوليلي اجبلك حبايه..
انا لحد دلوقتي ما مسكتش عليها حاجه بس انا باخد احتياطي...
_ لا بس تعبانه شويه انا عارفه اني متقله عليكي انا متأسفه جدا..
_ متقوليش كده احنا زي الاخوات بظبط
_ طيب استأذنك انا ادخل انام...
_ اتفضلي طبعا تصبحي علي خير انا نازله
دخلت نمت وهي نزلت...وحلمت بنفس الكابوس تاني
وفجأه صحيت مفزوعه شربت ميه ولقيت النهار طلع
قلت اروح السجل المدني اشوف الاخبار ولقيت نفس الشخص ماشي ورايا مكنش قدامي خيار غير اني اصوت وألم عليه الناس واقول انو عاوز يسرقني
وعرفت اهرب منه وطلعت عالسجل المدني...
وهناك طلبت تاني اني ادخل للمدير...
دخلوني بسرعه...
_ حضرتك فين انا دايخ عليكي من امبارح...
_ حضرتك قولتلي اني اجيلك بعد تلت ايام..
ها قدرت توصل لحاجه...
انا خلاص عرفت انتي مين وايه الي حصلك كله..
_ بجد انا مين بالله عليك بسرعه
انتي إيناس البيومي بنت اكبر مستورد في مصر والدك اتوفي من حوالي سنتين وشهر وورثتي عنه ثروه كبيرة جدا بس للأسف عملتي حادثه بعديها بشهر من وفاه والدك والي ظاهر عندي هنا انك ميته وشهادة وفاتك اهي....
_ طيب قولي هو انا عندي اولاد ومتجوزه ولا لا..
_ ايوة متجوزه بس معندكيش اولاد...
ودا العنوان الي قاعد في جوزك...
_ طيب ممكن طلب اخير...
ارجوك متحكيش لأي حد علي الموضوع ده انا عاوزه اشوف رد فعل جوزي لما يعرف اني لسه عايشه
_ اتطمني خالص انا مشفتش حضرتك واعتبريني مقبلتكيش..
