جوزى ضړبني وانا حامل للكاتبة مي علي

مكانه وصعب علينا والله
امممم ممكن تصحيه
راحت ناحيته
يا أستاذ يا أستاذ
قام اتنفض وهو بيبص عليا
وبص للممرضه وهو مڤزوع
قالت
اهدي يا أستاذ معلش فزعتك
المدام فاقت اهي
هز راسه وهو بيبصلي
وحد نده عليها
فقالت
هخرج ثواني وراجعه
وخرجت الممرضه
قام وقرب مني وهو باين عليه حزين وعلي وشه الأسي
وجه وقعد جمبي علي طرف السرير وبيمد أيدو يمسك أيدي وهو بيقول
حمدالله ع السلامه
سحبت أيدي بسرعه وبصيت الناحيه التانيه
قال بصوت مبحوح
انا عارف انك زعلانه وحقك بس خلينا نخرج من المستشفي انا مش متحمل وجودك هنا وانك پتتألمي
بصتله والدموع ف عيني وبصوت قوي قولت
انا هنا بسببك ومش هنسي ابدا اللي عملتو فيا ولا حتي بعد سنين
فبلاش النظره اللي ف عنيك دي ووفر كلامك
ارجوكي يا غرام
ارجوك انت اتفضل مش عاوزه اشوفك
اتفضل اخرج يلا
فضل باصص وساكت
اخرج بقولك
وقام وخرج من الأوضه
وفضل واقف برا
وانا خلصت كيس الدم وعملولي تحاليل بس كنت لسه تعبانه فقالو مش هيخرجوني دلوقتي
وف نفس اليوم جه عمي وباسم وسعد وضحي
بس صباح مجتش معاهم
دخل عمي وكان علي وشه نظرة لهفه
الف سلامه عليكي يا غرام يا بنتي انشالله اللي يكرهك
ينقطع ايدو اللي عمل فيكي كده
وبص لكريم وقال
نخرج بس من المستشفي وانا هربيك من أول وجديد
كريم بصله وهو حزين
باسم پغضب
حسابك معايا انا
ان ما قطعتلك أيدك مبقاش أنا يا واطي
انك تعمل فيها كده حسابك معايا عسير
كريم پغضب
اتكلم علي أدك وانت السبب ف كل البلاوي اللي احنا فيها
ربنا ياخدك يا أخي
انا اللي قولتلك تشك فيها
يا بجاحتك ولا بتقول بتحبها
انت كنت عاوز بس تاخدها عشان غيران مني
طول عمرك وعينك ع الحاجه اللي انا بحبها
متلم نفسك انت بتتكلم علي مراتي
صدقني بعد اللي انت عملتو هتطلقها بالذوق بالعافيه هتطلقها
طب اسكت بقي احسن والله مهتخرج من هنا وهروح فيك ف داهيه
عمي شخط فيهم
حلو اوي وانتو قاعدين تقلو قدبكو علي بعض وانا قاعد وتهددو بعض
كريم
خليه يبعد عني
باسم
حااااااضر بس لحد منخرج من هنا ونطمن علي غرام
كل ده وانا قاعده اتفرج عليهم
خلاص مبقاش يهمني كريم ولا باسم ولا أي حد
انا غلطت فعلا اما افتكرت ان البيت ده هيخرج منه حد نضيف
وخرجت من المستشفي
واحنا داخلين البيت انا وهو
مطلعتش معاه
وقفت وقولت
مش هطلع فوق انا هدخل بيت جدي
للكاتبه مي علي
كريم
غرام لا انتي هتطلعي شقتك
مبقتش شقتي
انا هدخل شقة جدي اقعد فيها مؤقتا لحد ما ربنا يسهل
طب هدخل معاكي
لأ اطلع شقتك
عن أذنك هات المفتاح من فوق
غرام والنبي متعملي فيا كده
هات المفتاح بقولك أحسن والله أبات ف الشارع وميهمني
طلع فعلا جابلي المفتاح
ودخلت ومعرفتش امنعه يدخل فضل واقف ويشد ف أيدي ويبوسها ويبكي
غرام أبوس أيدك سمحيني
غرام قدري موقفي
ابعد ايدك القذره عني
انت هتبقي ف حياتي زي الكلب لحد ماتغور ف داهيه
مش ده كان كلامك ليا مش ده اللي قولتو
غرام والله مكنت ف وعيي
انا اټجننت انا كنت هقتل باسم
بس فضل ېصرخ انو محصلش وانو
وحتي بعد ماقال كده مصدقتش
ضيعتني وضيعت كل حاجه حلوه كنت شيلهالك
انا بكرهك يا كريم بكرهك
غرام متقوليهاش لو سمحتي
طلقني لو عندك ذرة نخوه أو رجوله طلقني
انا مش هعيش معاك وحد الله بين وبينك
فضل يعيط زي العيال
بس جوايا مرار من اللي عملو فيا
شخطت فيه
برااااااااااااااا
وفضلت أزوقه لحد ما طلعته من الباب وهو عمال يعيط وطردته بره وقفلت الباب
ودخلت وفضلت أعيط ع السرير
لحد ماهديت وابتديت أفكر
أول الخيط ان صباح هيا اللي عملت الموضوع ده فيا أو ضحي أو الاتنين مستبعدش مهما عجينه واحده
بس الأكيد انهم كانو عارفين ان اننا وكريم عايشين مع بعض زي ألاخوات
أكيد عرفو مهو مش معقول هيعملو كده وهما عارفين اني متجوزاه
مهي أي واحده بتحمل
للكاتبه مي علي
قررت أني لازم اروح للبت بتاعت المعمل
وهجيب قرارها وهعمل بلاغ بكل حاجه لو متكلمتش
وده اللي خطته فعلا
بس كنت تعبانه ومش قادره اتحرك
وعدت أيام وانا بتعافي وكريم ف محاولات كتير انه يصالحني
وكل يوم يتخانق هو وباسم
والخڼاقه تهدي
لحد ما مسكو ف بعض وكريم رفع علي باسم السکينه وصوتهم كان عالي
وفعلا كانو ھيموتو بعض
وصباح واقفه تصرخ
فطلعت وفضلت أشد ف كريم
واتعورت ف أيدي بسببه
ساعتها بس سابو بعض
وطلع عمي ساعتها ولأول مره أشوفه كده
نظرة ڠضب كأنه مش عمي اللي طول حياته