بنات الڼار قصة حقيقيه حدثت بالفعل

ومحطوط على السفرة..
انفعلت ورميت الأكل كله على الأرض وخرجت من الشقة كلها بس في الدور التاني كانت قاعدة وأول ما شافتني قالت
حد يرمي الأكل كدا انت عنيد وانا قربت اغضب
بصتلها پخوف وطلعت اجري على فوق تاني قفلت باب الشقة وقعدت اترعش مكاني انا ايه اللي عملته في نفسي ده..
قعدت على السرير وانا مش قادر اتحكم في جسمي اللي بقا بيترعش كل شوية لحظات بس وقطع نور الشقة كله وقعدت مكاني اتنفض وابص في الضلمة يمين وشمال وسمعت صوت الهمس من تاني
مش مشتاق ليا
واتنفض جسمي اكتر واكتر وفي لحظة لقيت جسمي متكتف في السرير وكأنه مربوط بالسلاسل وحسيت بجسم فوق مني..

وفي لحظة لقيت نفسي مربوط في الساقية وهي واقفة وبتطلب مني اتحرك وڠصب عني بدأت اتحرك كنت شايفها مستمتعة اوي وانا عمال انهج وادور في الساقية من تاني..
وكل ما كنت بقع كانت بتغضب وكان وشها بيسود وبيتحول عشان افزع واتحرك من تاني وسمعت همساتها تاني بتقول
لو كنت بتاكل الاكل اللي بعمله كان هيبقا عندك قوة بدل مانت ضعيف اوي كدا
وفضلت ساعات ادور في الساقية لحد ما فقت حاولت اقف على رجليا مقدرتش والمخيف اني كنت عاري تماما وفهمت فهمت المصېبة اللي كانت بتعملها معايا وفهمت يعني ايه كلمة مش مشتاق ليا..
فين وفين لما قدرت اقوم واقف ولقيت أكل محطوط على السفرة جريت عليه وبدأت آكل بكل لهفة كنت حاسس اني هزيل بمۏت من الضعف والتعب..
كلت من هنا ووقعت في الأرض ونمت فضلت نايم كتير وأول ما صحيت لقيت نفسي في السرير ونفس العنين المخيفة بتبصلي في الضلمة مبقتش عارف انا بالليل ولا بالنهار كأن الزمن كله وقف وأول ما فتحت عنيا سمعت صوتها بتقول
مش مشتاق ليا
وفي لحظة كنت شايف نفسي مربوط في الساقية كنت حاسس انها بتتغذى على جسمي كأن روحي نفسها بتتسحب من جسمي تعب وۏجع وعرق ساعات وانا بدور في الساقية زي البهيمة لحد ما صحيت زحفت ناحية السفرة وانا ببكي من الشلل اللي بقيت فيه وكلت كل الأكل..
ووقعت نمت وأول ما صحيت اتكرر الموضوع من تاني كنت بمۏت في الوقت ده الف مرة كأني بعدي صحرا وانا ماشي على رجليا رجليا بقت ضعيفة مش قادر اقف عليها..
وكل مرة كنت بلاقي نفسي عاري كنت بشم ريحتها في الاوضة دايما وكنت يوميا بلف وادور في الساقية لحد ما بقيت عبارة عن هيكل عظمي حتى لما سمعت صوت الجرس زحفت زي المشلۏل ناحية الباب وفتحته..
وسمعت صړيخ أمي ابويا شالني وهو مش فاهم ايه اللي حصل كنت شبه المومياء جسمي وصل ل٣٠ كيلو وعنيا بقت بارزة ووشي بقا نحيف..
روحت لدكتور عشان يقول ان عندي نقص غذا رهيب وبدأ
يكتبلي على مكملات غذائية وأكل معين بس للأسف كنت كل ليلة بدور في نفس الساقية لحد ما صارحت والدي بكل حاجة.
ودوخنا على كل المشايخ والسحرة حتى اسابيع طويلة والكل بيبدأ العلاج وبعدها مبيكملش معايا لحد ما وصلنا لشيخ مشهور شاف حالتي وقال
انت للأسف وقعت نفسك في کاړثة مع بنات الڼار وبنات الڼار دول عشيرة قوية جدا من الجن الڼاري ومتعتهم في  مع البشر لحد ما يمتصوا منه طاقته كلها ويخلوه عبارة عن عظم وان العلاج منهم صعب جدا جدا وكل اللي هقدر اعمله اني هخليك تتحصن بحيث انها متقدرش توصل لجسمك على الأقل بس حاول تتمالك عقلك لأنك هتشوفها كتير لحد ما هي تمل وتسيبك
وفعلا مشيت على ورد قرآني معين ومبقتش قادرة توصلي تاني بس كنت بشوفها على السلم كتير وبشوفها اكتر في المراية سنة كاملة لحد ما تعافيت من رؤيتها وانتهى الموضوع بس ده للأسف مأثر عليا جدا لأني مبقتش بنطق زي الناس وبقيت بمشي زي الأعرج حتى شكلي عجز يجي عشرين سنة قدام ودي كانت حكايتي اللي حبيت اوثقها للناس عشان يفهموا ان الجن العاشق مش هيبقا زي جني المصباح الجن العاشق هيدمر حياتك كلها..
انتهت قصتنا واستنوني يوميا في قصص جديدة علي الصفحة ان شاء الله مستني رايكم في القصة
هستنا تعليقاتكم على القصة لأنها مستوحاة من أحداث واقعية ومتنساش تعمل لايك..