رواية انجاني حبها كاملة بقلم مي سيد
وف ليله اتخنقت من حبسه الشقه ، فعملت المعتاد والمفضل بالنسبالي ، كوبايه شاي بالنعناع
ولبست النقاب وخرجت للبلكونه ف الجو المفضل لقلبي ، نسمه هوا لطيفه ، كوبايه الشاي ال مدفيه ايدي، هاند فري شغال فيها فيروز بدون ميوزك " حلو انك تدلع نفسك من غير م تغضب ربنا "، والقمر ال ظاهر
وقبل م اكمل استرسال ف افكاري سمعت صوت ف البلكونه ال جمبي ، لا هو مش اي صوت ، ده صوت دكتور يوسف
_ دكتور يوسف
التفت بصدم#مه وهي بتشيل الهاند فري من ودنها وبتتكلم
_ دكتور يوسف
رديت بهدوء وابتسامه = اها دكتور يوسف
_ اي ال جاب حضرتك هنا
اتكلمت بضحكه = هو انا مقولتلكيش
ردت بهدوء وهي مازالت غاضه بصرها عني
_ لا حضرتك مقولتش
= مش احنا بقينا جيران
= يعني شقتك دي ، بقت جمب شقتي دي ، يبقى إحنا جيران
_ اها.. تمام
بصت قدامها تاني فحبيت اطمن عليها وهو بالمره افتح معاها اي مواضيع
_ عامله اي دلوقتي
= الحمدلله ف فضل ونعمه
_ الحمدلله
سكتت شويه وبعدين اتكلمت بخجل وكسوف وهي بتفرك ايديها ف بعض بالحركه المعتاده
رديت بعدم فهم مصطنع
= ع اي؟
ردت بتوتر _ عشان ال حضرتك عملته ، مش عارفه حضرتك لو مكنتش موجود كنت هعمل اي ، شكرا جدا
= لا شكر ع واجب ، والحمدلله انه ربنا سترها
سكتت ورجعت اتكلمت تاني بنفس التوتر
_ واسفه
= ع اي دي بقا؟
_ عشان عليت صوتي ع حضرتك ف المكتب بس والله...
قبل م تاخد نفسها بارتياح كنت كملت
= بس ده مش معناه انك ملكيش امتحان عندي ، عشان تبقى تعرفي تغيبي اوي
ردت بتذمر _ تمام
فضلنا واقفين شويه كل واحد واقف ف بلكونته ،
هي باصه ع قمرها ال ف السما وانا باصص ع قمري ال ع الارض ، وال تحديدًا فيه فرق بيني وبينه مترين فقط لا غير
_ احم ، انا هدخل انا ، تصبح ع خير
= وانتي من اهل الخير
وقبل م تمشي كنت ناديت عليها تاني
_ مريم
= نعم
_ انزلي الجامعه ، الامتحانات قربت وانتي تقريبًا محضرتيش حاجه الترم ده
= حاضر... بعد إذنك
_ اتفضلي
دخلت وانا وقفت افتكر لما شوفت إعلان ان الشقه ال جمبها هتتباع
مستنتش وانا بجيب الفلوس وباجي لصاحب الشقه عشان اخدها ، الواحد هيلاقي فرصه تقربني منها احسن من كده اي ، ده انا خلاص لزقت هنا
تاني يوم لبست ونزلت عشان اروح الجامعه ، وانا نازل ع السلم قابلتها
_ اي النشاط ال ع الصبح ده
ردت بهدوء = سلام عليكم ي دكتور
_ وعليكم السلام ورحمة الله وبركاته ، اي راحه الجامعه؟
= ايوة
